Mae swyddfeydd CURIAD wedi'u lleoli ym Mhen-y-Groes, ger Caernarfon yng Ngwynedd, Cymru. Saif Pen-y-Groes yn Nyffryn Nantlle - yr ardal chwarelyddol honno sydd yn gorwedd yn Eryri. Mae'r "Wyddfa a'i chriw" i'w weld yn glir o'r stryd fawr ac mae traethau euraidd Pen Llyn nepell o'r pentref. Yr ardal hanesyddol yma sydd yn gartref i CURIAD a'i gweithgareddau.

Golygfa o'r Wyddfa o swyddfa Curiad

Mae sawl rhan yn perthyn i'r broses o gyhoeddi a hybu cerddoriaeth newydd. Wedi penderfynu ar y gwaith i'w gyhoeddi mae'n tîm o gysodwyr yn mynd ati i gysodi'r gwaith gan ddefnyddio'r offer a'r rhaglenni mwyaf diweddar. 'SIBELIUS' a 'SCORE' yw'r enw'r rhaglennu a ddefnyddir gennym i gysodi cerddoriaeth a gallwn ddatgan yn gwbl ddifuant bod safon y nodiant a gynhyrchir yn ddiguro. Wedi cwblhau'r gwaith cysodi, rydym yn trosglwyddo'r gwaith i'w argraffu i argraffwyr lleol, gan ddefnyddio proses un, dau neu bedwar lliw, yn ol yr angen. Mae ein pwyslais ar safon o hyd - o ran cynnwys a diwyg ein cyhoeddiadau.